АҚШ Молия вазирлиги банклар ва бошқа муассасалар ходимларини коронавирусга қарши вакциналар ва дориларни аҳоли ўртасида тақсимлаш билан боғлиқ фирибгарликларни амалга оширишга уринишлар юз бериши мумкинлиги ҳақида огоҳлантирди, деб ёзади «ТАСС».
«COVID-19’га қарши вакцинага алоқадор фирибгарлик сертификатланмаган ёки ноқонуний таклиф қилинувчи дориларни сотишни, тасдиқланган вакциналарнинг қалбаки вариантларини ҳамда тасдиқланган вакциналарни ноқонуний қайта сотишларни ўз ичига олиши мумкин, — дейилади ҳужжатда. — Фирибгарлар аллақачон ўз ‘мижозлариъга пул эвазига вакцинани тарқатиш режасидагидан ҳам эртароқ етказиб беришни таклиф қилган».
Нью-Йорк штати ҳукумати коронавирусга қарши вакциналарга алоқадор фирибгарлик учун тиббий муассасалар ва мутахассислардан 1 миллион долларгача миқдорда жарима ундириб олишга тайёр.
Штат губернатори Эндрю Куомо таъкидлашича, АҚШнинг Нью-Йорк штатида полиция COVID-19’га қарши вакцинани тарқатиш ва жисмоний шахсларга тақдим этиш бўйича қоидани четлаб ўтган ҳолда уни фирибгарлик йўллари орқали олиш билан боғлиқ маълумотларни текширмоқда.
Эслатиб ўтамиз, АҚШда 14 декабрь куни коронавирусга қарши эмлаш бошланди. Биринчи навбатда касалланганлар билан ишлаётган тиббиёт ходимлари эмланмоқда. Касалликлар назорати ва профилактикаси марказлари (CDC) маълумотларига кўра, 2020 йил охиригача Америка ҳукумати 40 миллион кишини эмлашни режалаштирмоқда.
Мавзуга доир:
- АҚШда COVID-19’га қарши вакцина олишдаги фирибгарликлар бўйича текширув бошланди
- АҚШда Moderna вакцинаси фойдаланиш учун тасдиқланди
- АҚШда коронавирусга қарши эмлаш бошланди
- АҚШ ҳукумати коронавирусга қарши Pfizer вакцинасидан фойдаланишга рухсат берди. Дональд Трамп оммавий вакцинация 24 соат ичида бошланишини ваъда қилган
Изоҳ (0)