Bring a Trailer auksioni orqali NBA afsonasi Shakil O’Nilga tegishli bo‘lgan 1998-yilgi Ferrari D355 Spider sotuvga qo‘yildi. Superkar saloni uning sobiq egasi sabab maxsus kengaytirilgan, deb xabar beradi Motor.
Spider salonini kengaytirish yoqilg‘i bakini old qismga ko‘chirish evaziga uddalangan — standart superkarda u o‘rindiq orqasida joylashgan. Bundan tashqari, avtomobilning zavoddagi tomi olib tashlangan, bu esa ulkan ko‘tarma mexanizmdan voz kechish va o‘rindiqlarni orqaga siljitish imkonini bergan — shu orqali oyoqlar uchun ko‘proq joy qolgan.
Ferrari’ning o‘ziga xosligi shu bilan yakunlanmagan: u buyurtma asosida ishlangan o‘rindiq va Supermen logotipiga ega bo‘lgan. Shuningdek, unga ulkan audiotizim dinamiklari o‘rnatilgan.
Kumushrang kuzovga ega 22 yillik Ferrari F355 Spider 19 dyuymli g‘ildirak diskalari va Brembo tormozlariga ega. Mashina 375 ot kuchiga ega V8 dvigateli yordamida harakatga keladi, u esa olti bog‘onali F1 “robot” uzatmalar qutisi yordamida boshqariladi. Superkar soatiga 100 kilometr tezlikka besh soniyadan kamroq vaqt ichida erishadi, maksimal tezligi — 295 km/soat.
Mavzuga doir: Video: Qiyinchilik bilan Tesla Model S’ga sig‘gan amerikalik basketbolchi Shakil O’Nil
Izoh (0)