Bring a Trailer аукциони орқали NBA афсонаси Шакил O’Нилга тегишли бўлган 1998 йилги Ferrari F355 Spider сотувга қўйилди. Суперкар салони унинг собиқ эгаси сабаб махсус кенгайтирилган, деб хабар беради Motor.
Spider салонини кенгайтириш ёқилғи бакини олд қисмга кўчириш эвазига уддаланган — стандарт суперкарда у ўриндиқ орқасида жойлашган. Бундан ташқари, автомобилнинг заводдаги томи олиб ташланган, бу эса улкан кўтарма механизмдан воз кечиш ва ўриндиқларни орқага силжитиш имконини берган — шу орқали оёқлар учун кўпроқ жой қолган.
Ferrari’нинг ўзига хослиги шу билан якунланмаган: у буюртма асосида ишланган ўриндиқ ва Супермен логотипига эга бўлган. Шунингдек, унга улкан аудиотизим динамиклари ўрнатилган.
Кумушранг кузовга эга 22 йиллик Ferrari F355 Spider 19 дюймли ғилдирак дискалари ва Brembo тормозларига эга. Машина 375 от кучига эга V8 двигатели ёрдамида ҳаракатга келади, у эса олти боғонали F1 «робот» узатмалар қутиси ёрдамида бошқарилади. Суперкар соатига 100 километр тезликка беш сониядан камроқ вақт ичида эришади, максимал тезлиги — 295 км/соат.
Изоҳ (0)