Toshkent viloyatining Yangiyo‘l tumanida 26-dekabr kuni yuz bergan yo‘l-transport hodisasi oqibatida ikki kishi tan jarohati oldi, deya xabar bermoqda IIV Yo‘l harakati xavfsizligi bosh boshqarmasi.
Soat taxminan 21:00 atrofida “Toshkent—Yangiyo‘l—Oqqo‘rg‘on” yo‘lining 56-kilometrida Cobalt haydovchisi S.E. (1990-yilda tug‘ilgan) haydovchi E.A. (1997-yilda tug‘ilgan) boshqaruvidagi Damas bilan urilgan. To‘qnashuv oqibatida yong‘in kelib chiqqan.
Cobalt va Damas haydovchilari tan jarohati olib, kasalxonaga yotqizilgan. Hodisa yuzasidan surishtiruv ishlari olib borilmoqda.
Izoh (0)