Yevropada oraliq masofalanishga rioya qilmagan haydovchilarni jarimaga tortishga qodir kamera test rejimida ishga tushirildi. Britaniyaning M1 shossesiga o‘rnatilgan kameralar ikki oy davomida avtomobillar orasidagi oraliq masofaga rioya qilmaslik bo‘yicha 26 mingta qoidabuzarlikni aniqlagan. Haydovchilarga yozma ravishda ogohlantirish xati yuborilgan, deb xabar beradi Motor.
Daily Mail nashri yangi avlod kameralarining ishlash prinsipi haqidagi ma’lumotlar bilan bo‘lishgan. Ma’lum bo‘lishicha, qurilma transport vositalari orasidagi masofaga emas, balki vaqt intervaliga qarab xavfsiz oraliqni hisoblaydi. Agarda mashinalar ikki soniyadan kamroq farq bilan harakatlansa, haydovchiga “baxt maktubi” yuboriladi.
Mahalliy amaldorlarning ta’kidlashicha, hozircha jarimalar haqida hech gap yo‘q: yangi avlod kamerasi “boshqaruv madaniyatini oshirishga yordam berish” uchun yaratilgan. Shu blan birga, avtomatika pochta orqali olingan ogohlantirish xatidan so‘ng yaxshiroq haydashni boshlagan yoki yo‘qligini tahlil qiladi.
Highways England davlat operatorining baholashicha, Buyuk Britaniya trassalarida qayd etiladigan har sakkizta YTHning bittasi oraliq masofaga rioya qilinmagan holda harakatlanish oqibatida yuzaga keladi.
Yo‘l harakati qoidalarining buzilishini qayd etishga mo‘ljallangan foto va video jamlanmalar imkoniyati tobora ortmoqda: avvaliga kameralar faqat tezlikni qayd etar edi; endilikda qurilmalar xavfsizlik kamarini taqmagan haydovchilarni aniqlash, svetoforning taqiqlovchi signalida harakatlanganlik, jamoat transporti yo‘lagida yurganlik va boshqa qator qoidabuzarliklar uchun jarima belgilashni o‘rganib olgan.
Izoh (0)