Bayram dasturxoni uchun tovuqli “Yangi yil soati” salatini tayyorlab ko‘ring

Ushbu salat bayram dasturxonining ko‘rki bo‘lishi shubhasiz.

Kerakli mahsulotlar:

• Kartoshka − 3 dona;
• Sabzi − 1-2 dona;
• Tuxum − 4 dona;
• Pishloq − 120 gramm;
• Dudlangan tovuq oyoqlari − 2 dona;
• Bulg‘ori qalampiri − 1 dona;
• Ko‘kat, mayonez, zaytun.

1. Kartoshka, sabzi va tuxum qaynatib olinadi;
2. Kartoshka, pishloq va tuxum qirg‘ichdan o‘tkaziladi. Tovuq va bulg‘ori qalampiri mayda to‘g‘raladi. Sabzidan 12 ta aylana va soat millari kesib olinadi;
3. Salat uchun maxsus idishga avval kartoshka solinadi. Ustidan bulg‘ori qalampiri va mayda to‘g‘ralgan ko‘kat bilan tovuq joylashtiriladi. Ustidan tuxum solinadi. Shuningdek, har bir qatlamdan so‘ng mayonez suriladi;
4. Salat yuzasiga qirg‘ichdan o‘tkazilgan pishloq sepiladi va sabzi doirachalari joylashtirib chiqiladi;
5. Salat markaziga esa soat millari va ustidan zatun donasi qo‘yiladi. Doirachalar ustiga mayonez yordamida raqamlar yoziladi;
6. Tayyor bo‘lgan “Yangi yil soati” ko‘katlar bilan bezatilib, 1-2 soatga muzlatkichga qo‘yiladi.