Байрам дастурхони учун товуқли «Янги йил соати» салатини тайёрлаб кўринг

Ушбу салат байрам дастурхонининг кўрки бўлиши шубҳасиз.

Керакли маҳсулотлар:

• Картошка − 3 дона;
• Сабзи − 1-2 дона;
• Тухум − 4 дона;
• Пишлоқ − 120 грамм;
• Дудланган товуқ оёқлари − 2 дона;
• Булғори қалампири − 1 дона;
• Кўкат, майонез, зайтун.

1. Картошка, сабзи ва тухум қайнатиб олинади;
2. Картошка, пишлоқ ва тухум қирғичдан ўтказилади. Товуқ ва булғори қалампири майда тўғралади. Сабзидан 12 та айлана ва соат миллари кесиб олинади;
3. Салат учун махсус идишга аввал картошка солинади. Устидан булғори қалампири ва майда тўғралган кўкат билан товуқ жойлаштирилади. Устидан тухум солинади. Шунингдек, ҳар бир қатламдан сўнг майонез сурилади;
4. Салат юзасига қирғичдан ўтказилган пишлоқ сепилади ва сабзи доирачалари жойлаштириб чиқилади;
5. Салат марказига эса соат миллари ва устидан затун донаси қўйилади. Доирачалар устига майонез ёрдамида рақамлар ёзилади;
6. Тайёр бўлган «Янги йил соати» кўкатлар билан безатилиб, 1-2 соатга музлаткичга қўйилади.