Ishtahani ochuvchi ushbu taom noodatiy tarzda tayyorlanadi. Shuningdek, vitaminlarga boy mazali taomni pishirish uchun ko‘p vaqt sarflashning keragi yo‘q.
Kerakli mahsulotlar:
- Guruch −50-60 gramm;
- Sabzi −1 dona;
- Piyoz −1 dona;
- Pomidor −5 dona;
- Pishloq −100 gramm;
- Smetana −1 osh qoshiq;
- O‘simlik yog‘i, tuz va ziravorlar.
- Guruch avval qaynatib olinadi va sovutishga qo‘yiladi.
- Sabzi qirg‘ichdan o‘tkaziladi, piyoz mayda to‘g‘raladi.
- 7-10 daqiqa davomida piyoz va sabzi yog‘da qovurib olinadi. Ustidan tuz va ziravorlar, smetana qo‘shiladi. Olov o‘chirilgach guruch aralashtiriladi.
- Pomidorning tepa qismi pichoq yordamida ochilib va ichidagi go‘shtli qismi olinib, chuqurcha hosil qilinadi.
- Qirg‘ichdan o‘tkazilgan pishloq va guruchli aralshma solinadi. Ustidan yana pishloq sepiladi.
- Barcha pomidorlar xuddi shu tartibda tayyorlanib, 200 daraja pechda 15-20 daqiqa davomida pishirib olinadi.
- Taom ko‘katlar bilan bezatilib, dasturxonga tortiladi. Yoqimli ishtaha!
Mavzuga doir:
Izoh (0)