Toshkentning Olmazor tumanida amakisining pasportini yoqib yuborgan 28 yoshli fuqaroga nisbatan jinoyat ishi qo‘zg‘atildi. Bu haqda poytaxt IIBB matbuot xizmati xabar berdi.
Xabarda aytilishicha, 45 yoshli erkak Ravshanbek T. tuman ichki ishlar organlariga murojaat qilib, 21-noyabr kuni 28 yoshli jiyani Sanjar T. janjal oqibatida uning pasportini gaz plitasida yoqib yuborganini aytgan.
Mazkur fakt asosida Jinoyat kodeksining 227 moddasi (hujjatlar, shtamplar, muhrlar, blankalarni, avtomototransport vositalarining va ular tirkamalarining (yarim tirkamalarining) davlat raqam belgilarini egallash, nobud qilish, ularga shikast yetkazish yoki ularni yashirish) bo‘yicha jinoiy ish qo‘zg‘atilgan.
Izoh (0)