Toshkentda Lacetti rusumli mashina yonib ketdi, deya xabar bermoqda YHXBB.
Ma’lum qilinishicha, 2020-yilning 23-dekabr kuni soat 08:30 larda, Toshkent shahar Sergeli tumani Toshkent halqa avtomobil yo‘li ko‘chasida joylashgan GM Motors zavodi ro‘parasida haydovchi 1980-yilda tug‘ilgan M.X. boshqaruvidagi Lacetti’ning dvigatel qismida qisqa tutashuv yuzaga kelgan.
Hodisa joyiga zudlik bilan o‘t o‘chiruvchilar yetib borgan va tutashuv oqibatida yuzaga kelgan yong‘in bartaraf etilgan. Hodisa natijasida tan jarohati olganlar yo‘q.
Mazkur hodisa yuzasidan Sirg‘ali tumani IIB YHXB va FVB xodimlari tomonidan surishtiruv ishlari olib borilib, tutashuv yuzaga kelish sabablariga aniqlik kiritilmoqda.
Shuningdek, 23-dekabr kuni yana bir avtomobilida yong‘in kelib chiqqan.
Ma’lumotlarga ko‘ra, 2020-yilning 23 dekabr kuni soat 14:35 larda Jizzax viloyati Jizzax shahri Mustaqillik va Sharof Rashidov ko‘chalari kesishgan chorrahada haydovchi, 1970-yilda tug‘ilgan S.B. boshqaruvidagi Nexia’ning salon qismida yong‘in yuzaga kelgan.
Yong‘in o‘t o‘chiruvchilar tomonidan bartaraf etilgan. Yong‘in natijasida tan jarohati olganlar yo‘q. Avtomobilning salon qismi yong‘indan zararlangan.
Mazkur hodisa yuzasidan Jizzax shahar IIB YHXB va FVB xodimlari tomonidan surishtiruv ishlari olib borilib, yong‘in yuzaga kelish sabablariga aniqlik kiritilmoqda.
Avvalroq Toshkentda 47-sonli yo‘nalishda harakatlanuvchi avtobus, Qarshida YPX avtomobili hamda Marg‘ilonda Matiz motoridagi nosozlik sabab yonib ketgani haqida xabar berilgandi.
Izoh (0)