Elektromobillar ishlab chiqaradigan Tesla kompaniyasi asoschisi Ilon Mask Twitter’da gapirib berishicha, Apple bosh direktori Tim Kuk bir necha yil avval uning Tesla kompaniyasini sotib olish taklifini rad etgan, deb yozadi Meduza.
“Model 3 dasturining eng og‘ir kunlarida men Tesla’ning Apple kompaniyasi tomonidan sotib olinishi imkoniyatini muhokama qilish uchun Tim Kukka murojaat qilgandim (hozirgi narxining o‘ndan biri evaziga). U uchrashishdan bosh tortgandi”, — deb yozdi Mask.
Tesla kompaniyasining bozor qiymati qariyb 607 milliard dollarga teng. Demak, Mask Kukka kompaniyani, taxminan, 60 milliard dollarga sotib olishni taklif qilgan.
Apple vakili Ilon Maskning gaplarini izohlashdan bosh tortdi, deb yozadi Bloomberg. Tesla kompaniyasi Mask qachon Kukka bunday taklif bilan chiqqani haqidagi savolga javob bermadi.
Apple kompaniyasi 2014-yildan buyon avtonom avtomobillar texnologiyasini ishlab chiqmoqda. Reuters ma’lumotlariga ko‘ra, 2024-yilga kelib, “akkumulyator batareyalarining ilg‘or texnologiyasi”ga ega yengil avtomobil yaratishni rejalashtirmoqda.
Mavzuga doir:
- “Qo‘shin generalni oldingi chiziqda ko‘rsa, qattiqroq jang qiladi”. Ilon Mask nima uchun Kaliforniyadan Texasga ko‘chib o‘tganini tushuntirdi
- Ilon Maskning boyligi 150 mlrd dollardan oshdi
- Tesla’ning kapitalizatsiyasi 500 milliard dollardan oshdi
- Apple elektromobillar ishlab chiqarishni 2020-yilda yo‘lga qo‘yadi
Izoh (0)