Kama avtomobil zavodi vodorod yoqilg‘ida ishlaydigan yuk mashinalari va avtobuslarni ishlab chiqarish niyatida. Bu haqda “KamAZ” bosh direktori Sergey Kogoninga tayanib Motor xabar berdi. Uning rejalariga ko‘ra, bu kabi transport vositasi ustidagi ishlar keyingi yildan boshlanadi.
Yoqilg‘i elementlarida harakatlanadigan yuk mashinalari va avtobuslarni yaratishda Sankt-Peterburg politexnika universiteti ishtirok etadi. “KamAZ” uchun bu yangi hamkorlik emas: kompaniya bunga qadar universitet bilan elektr energiyasida harakatlanadigan “Kama-1” smart-krossoverini yaratgan edi.
Kogoninning so‘zlariga ko‘ra, “KamAZ”ning vodorodda harakalanadigan ilk avtomobillari “universal modul platforma” bazasida yaratiladi.
“Ilmiy-tadqiqot va tajriba-konstruktorlik ishlarimiz rejasidan keyingi yil vodorodda harakalanadigan 18 tonnali avtomobil va vodorod avtobusni yaratish o‘rin olgan. Buni qanchalik uddalay olishimiz haqida biror narsa deya olmayman, biroq rejamiz bor”, — deydi “KamAZ” rahbari.
Yangi “egiluvchan” platformada yaratiladigan avtobus va elektrobuslarning o‘lchami 18 metrgacha yetishi kutilmoqda.
Avvalroq Dailmer kompaniyasi vodorodda harakatlanadigan Mercedes-Benz GenH2 — ilk yuk mashinasini taqdim etgani, yangi mashina konsept ko‘rinishida bo‘lib, uni ishlab chiqarish mazkur o‘n yillikning o‘rtalaridan boshlanishi kutilayotgani xabar qilingandi.
Izoh (0)