Koronavirus pandemiyasi yangi Ford Bronco’ni ishlab chiqarish jarayonining surilishiga olib keldi, biroq kompaniya xaridorlar oldida yuzaga kelgan noqulaylikni kompensatsiya qilib berishga tayyor, deb xabar qiladi Motor.
Ushbu modelga talab yuqori bo‘lganligiga qaramay, Ford koronavirus pandemiyasi oqibatida yetkazib beruvchilarda kuzatilgan logistik muammolar sabab Bronco’ning taqdimotini kechiktirgan edi. Natijada yo‘ltanlamasning ilk partiyalari keyingi yilning yozidan sotuvga chiqadi. Bu kabi kechikish yangi Bronco’ning barcha xaridorlariga taalluqli hisoblanadi. Ayniqsa, Sasquatch paketiga ega “mexanika” mashina xaridorlariga — ular konveyrdan 2021-yilning oxiriga borib chiqishi kutilmoqda.
Torque News nashrining ma’lum qilishicha, Ford kompensatsiya sifatida yangi Bronco xaridorlariga yana 100 dollardan sovg‘a qiladi — ular ushbu pulni aksessuarlarga, texnik xizmatga yoki yo‘ltanlamasning Ford Pass dasturi doirasidagi boshqa xizmatlariga sarflashi mumkin. Avtomobillarni yetkazib berish vaqtida mijozlar sabr bilan kutgani uchun 200 dollardan oladi — shunday qilib, yakuniy kompensatsiya miqdori 300 dollarni tashkil etmoqda. Bronco Sport krossoverlari xaridorlariga ushbu muammo taalluqli emas — model oktabr oyidan boshlab ishlab chiqarilmoqda.
Avvalroq Ford kompaniyasi ekstremal sharoitlarda yangi Bronco modelini sinovdan o‘tkazgani to‘g‘risida xabar berilgandi. Yo‘ltanlamas yangi avlodi sahrodagi eng ekstremal marshrut Moab— Hell’s Revenge bo‘ylab harakatlangan.
Izoh (0)