Toshkent viloyati Bo‘stonliq tumanidagi kanalda oqib ketayotgan fuqaro qutqarib olindi, deya xabar bermoqda FVV.
Ma’lum qilinishicha, 2020-yilning 22-dekabr kuni soat 14:56 da Toshkent viloyati Bo‘stonliq tumani favqulodda vaziyatlar bo‘limiga tuman IIB navbatchilik qismi tomonidan tuman hududidan oqib o‘tuvchi Bo‘zsuv kanalida bir fuqaroning suvda oqib ketayotganligi to‘g‘risida xabar kelib tushgan.
Mazkur xabarga ko‘ra, tuman favqulodda vaziyatlar bo‘limining bir guruh qutqaruvchilari zudlik bilan voqea joyiga yetib borgan.
Fuqaro qutqaruvchilar tomonidan tezkorlik bilan suvdan olib chiqilib, tez tibbiy yordam xizmatiga topshirilgan.
Hayoti saqlab qolingan fuqaro hozirda shifokorlar nazoratida bo‘lib, o‘zini yaxshi his qilayotgani ma’lum qilingan.
Avvalroq Toshkent viloyatida tuproq bosib qolgan qurilish ishchisi, Toshkentda kanalizatsiya uchun qazilgan 5 metrli chuqurga yiqilgan fuqaro hamda Chirchiqda eri bilan janjallashib, o‘zini Bo‘zsuv kanaliga tashlagan ayol qutqarib qolingani haqida xabar qilingandi.
Izoh (0)