Xorijiy mutaxassis Olive Normand Uy-joy kommunal xizmat ko‘rsatish vazirining maslahatchisi lavozimiga tayinlandi, deya xabar qilmoqda vazirlik axborot xizmati.
O‘zbekiston Prezidentining 2020-yil 25-sentabrdagi “Ichimlik suvi ta’minoti va oqova suv tizimini yanada takomillashtirish hamda sohadagi investitsiya loyihalari samaradorligini oshirish chora-tadbirlari to‘g‘risida”gi farmoni ijrosi doirasida suv resurslari sohasidagi xorijlik ekspert Olive Normand vazirning davlat ijtimoiy buyurtmalarini berish orqali markazlashgan ichimlik suvi ta’minoti yetib bormagan qishloq aholi punktlarini ichimlik suvi bilan ta’minlash masalalari bo‘yicha maslahatchisi etib tayinlandi.
Mazkur sohada xalqaro tajribaga ega bo‘lgan ekspert sifatida Olive Normand davlat ijtimoiy buyurtmalari asosida qishloq aholi punktlarini ichimlik suvi bilan ta’minlash loyihalarini shakllantirish, ularni amalga oshirish hamda natijadorligini monitoring qilish masalalarida vazirlik mas’ul xodimlariga ko‘maklashadi.
Ayni paytda Olive Normand ushbu masalalarda vazirlik huzurida tashkil etilgan jamoatchilik kengashi a’zosi sifatida ham faoliyat yuritadi.
Avvalroq yaponiyalik ekspert investitsiyalar va tashqi savdo vaziriga maslahatchi bo‘lib ishlashga jalb etilgani xabar qilingandi.
Izoh (0)