Тошкент вилояти Бўстонлиқ туманидаги каналда оқиб кетаётган фуқаро қутқариб олинди, дея хабар бермоқда ФВВ.
Маълум қилинишича, 2020 йилнинг 22 декабрь куни соат 14:56 да Тошкент вилояти Бўстонлиқ тумани фавқулодда вазиятлар бўлимига туман ИИБ навбатчилик қисми томонидан туман ҳудудидан оқиб ўтувчи Бўзсув каналида бир фуқаронинг сувда оқиб кетаётганлиги тўғрисида хабар келиб тушган.
Мазкур хабарга кўра, туман фавқулодда вазиятлар бўлимининг бир гуруҳ қутқарувчилари зудлик билан воқеа жойига етиб борган.
Фуқаро қутқарувчилар томонидан тезкорлик билан сувдан олиб чиқилиб, тез тиббий ёрдам хизматига топширилган.
Ҳаёти сақлаб қолинган фуқаро ҳозирда шифокорлар назоратида бўлиб, ўзини яхши ҳис қилаётгани маълум қилинган.
Аввалроқ Тошкент вилоятида тупроқ босиб қолган қурилиш ишчиси, Тошкентда канализация учун қазилган 5 метрли чуқурга йиқилган фуқаро ҳамда Чирчиқда эри билан жанжаллашиб, ўзини Бўзсув каналига ташлаган аёл қутқариб қолингани ҳақида хабар қилинганди.
Изоҳ (0)