Yengil vazn toifasida UFC chempioni Habib Nurmagomedov BBC talqiniga ko‘ra 2020-yilning sport yulduzi sovriniga loyiq ko‘rildi.
Mazkur sovrin har yili Buyuk Britaniyadan bo‘lmagan eng yaxshi sportchiga taqdim etiladi.
Rossiyalik yakkakurashchidan tashqari ushbu sovringa “Los-Anjeles Leykers” basketbolchisi Lebron Jeyms, balandlikka sakrash bo‘yicha reyting yetakchisi Arman Dyuplantis, Formula-1 bo‘yicha yetti karra Jahon chempioni Lyuis Hemilton, golfchi Dastin Jonson, “Lion” ayollar futbol klubi vakili Vandi Renar va ayollar boksi bo‘yicha to‘rtta kamar sohibi Keti Teylor kabi sportchilar da’vogarlik qilgandi.
2019-yilda mazkur sovrin marafonchi Eliud Kipchogega topshirilgandi.
Eslatib o‘tamiz, Habib 24-oktabrda Jastin Getjiga qarshi jangda chempionlik kamarini himoya qildi va 27-oktabr kuni UFC umumiy reytingi yetakchisiga aylandi. 32 yoshli yakkakurashchi ushbu jangdan keyin faoliyatini yakunlashini ma’lum qilgandi.
Izoh (0)