Futbol bo‘yicha O‘zbekiston Kubogi finalida VAR tizimidan foydalaniladi

Namangan shahrida bo‘lib o‘tadigan 2020-yilgi mavsum O‘zbekiston Kubogi finalida VAR tizimidan foydalaniladi. Bu haqda O‘FA matbuot xizmati ma’lum qildi.

Ta’kidlanishicha, O‘zbekiston Kubogi—2020 final uchrashuvida VAR tizimidan foydalanish bo‘yicha O‘FA hamda FIFA mutaxassislarining o‘zaro muzokaralari ijobiy yakun topgan. FIFA 20-dekabr, yakshanba kuni Namangan shahrida o‘tadigan O‘zbekiston Kubogi—2020 final uchrashuvida VAR tizimini qo‘llashga ruxsat berdi.

Shu tariqa O‘zbekistonda ilk bor VAR tizimidan rasman foydalaniladi.

Ma’lumot uchun, kubok finalida “Paxtakor” va OKMK jamoalari o‘zaro to‘qnash keladi.

O‘FA Hakamlar va nazoratchilar bo‘limi ushbu bahsga quyidagi hakamlar guruhini VAR uchun mas’ul etib belgiladi:

VAR hakami: Aziz Asimov

VAR yordamchi hakami: Timur Gaynulin

VAR nazoratchisi: Farhod Abdullayev