“Chelsi” himoyachisi Ris Jeyms avtomobili o‘g‘rilar hujumiga uchraganini ma’lum qildi.
21 yoshli futbolchining ma’lum qilishicha, o‘g‘rilar mashina oynalarini sindirgan holda avtomobil ichidagi xayriya maqsadida sotib olingan sovg‘alarni o‘g‘irlab ketgan. Bu vaqtda futbolchi bolalarga ovqat tarqatayotgan bo‘lgan.
Ris avtomobilning holatini suratga olib, Instagram sahifasiga joylashtirdi va quyidagi sharh qoldirdi: “Hammasi qaytadi”.
Ris Jeyms “Chelsi” akademiyasi tarbiyalanuvchisi hisoblanib, o‘ng qanot himoyasida to‘p suradi. U londonliklar safida 52 o‘yin o‘tkazgan, Angliya terma jamoasida esa 3 ta uchrashuvda maydonga tushgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)