Habib Nurmagomedov MMA’dagi sportchilik faoliyatini yakunladi
Yengil vazn toifasida UFC chempioni Habib Nurmagomedov Jastin Getjiga qarshi kechgan jangdan so‘ng faoliyatini yakunlaganini ma’lum qildi.
Bu mening oxirgi jangim. Otam vafot etgandan keyin, men onamga va’da bergandim. Menga yordam bergan barchaga, butun UFC jamoasiga rahmat aytaman. O‘ylashimcha, seshanba kuni reytinglar yangilanganda men umumiy reytingda birinchi o‘rinda bo‘laman. Bu mening UFC’dagi so‘nggi jangim edi.UFC 254 musobaqasi barcha janglarini bu yerda tomosha qilish mumkin — havola.Men Dog‘iston tog‘laridagi qishloqdan chiqqan oddiy yigitman, shunchaki chempion bo‘lmoqchi edim, bori shu. Ukamning aytishicha, ayni damda Google’da eng ko‘p muhokama qilinayotgan shaxs ekanman.
Men shunchaki otam bilan birga chempion bo‘lishni istagandim va yelkamga bunday og‘ir yuk tushishini o‘ylamagandim. Ota-onangizga ko‘proq vaqt ajrating, menda esa faqat onam qoldi. Unga ko‘proq vaqt ajratishni istayman.
Habib Nurmagomedov, UFC jangchisi
Habib UFC 254 musobaqasida Getji taslim etgan holda chempionlik kamarini himoya qildi.
Nurmagomedov professional MMA bilan 2008-yildan buyon faoliyat yuritib kelardi keladi. U MMA’da 29 ta g‘alaba qayd etdi. Shundan 13 tasini UFC promousheni musobaqalarida qo‘lga kiritgan. Rossiyalik yakkakurashchi faoliyati mobaynida biror marta ham mag‘lubiyatga uchramadi. Avvalroq Habib otasiga so‘z bergani va 30-0 rekorddan keyin faoliyatini yakunlashini ma’lum qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
