Енгил вазн тоифасида UFC чемпиони Ҳабиб Нурмагомедов BBC талқинига кўра 2020 йилнинг спорт юлдузи совринига лойиқ кўрилди.
Мазкур соврин ҳар йили Буюк Британиядан бўлмаган энг яхши спортчига тақдим этилади.
Россиялик яккакурашчидан ташқари ушбу совринга «Лос-Анжелес Лейкерс» баскетболчиси Леброн Жеймс, баландликка сакраш бўйича рейтинг етакчиси Арман Дюплантис, Formula-1 бўйича етти карра Жаҳон чемпиони Льюис Ҳемилтон, голфчи Дастин Жонсон, «Лион» аёллар футбол клуби вакили Ванди Ренар ва аёллар бокси бўйича тўртта камар соҳиби Кети Тэйлор каби спортчилар даъвогарлик қилганди.
2019 йилда мазкур соврин марафончи Элиуд Кипчогега топширилганди.
Эслатиб ўтамиз, Ҳабиб 24 октябрда Жастин Гэтжига қарши жангда чемпионлик камарини ҳимоя қилди ва 27 октябрь куни UFC умумий рейтинги етакчисига айланди. 32 ёшли яккакурашчи ушбу жангдан кейин фаолиятини якунлашини маълум қилганди.
Изоҳ (0)