Yengil vazn toifasida UFC chempioni Habib Nurmagomedov vazn toifasidan qat’i nazar eng yaxshi jangchilarning umumiy (Pound-for-Pound) reytingida birinchi o‘rinni egalladi.

Foto: Instagram / @khabib_nurmagomedov

Yarim og‘ir vazn toifasida liganing sobiq chempion Jon Jons ikkinchi o‘ringa tushgan bo‘lsa, kuchli uchlikni o‘rta vazn chempioni Isroil Adesanya yakunlab berdi. Qayd etish joiz, Habib faoliyatida ilk bor ushbu reyting yetakchisiga aylandi.

Top-15 reytingi:

1. Habib Nurmagomedov

2. Jon Jons

3. Israel Adesanya

4. Stipe Miochich

5. Kamaru Usmon

6. Aleksander Volkanovski

7. Dastin Porye

8. Maks Hollouey

9. Petr Yan

10. Jastin Getji

11. Konor Makgregor

12. Robert Uittaker

13. Toni Fergyuson

14. Deyveson Figeredo

14. Frensis Ngannu

Eslatib o‘tamiz, 24-oktabr kuni Abu-Dabidagi (BAA) “Jangchilar oroli”da bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.