Futbol bo‘yicha Italiya A Seriyasining 12-turidan o‘rin olgan bir qator uchrashuvlar 16-dekabr, chorshanba kuni bo‘lib o‘tdi.
“Jenoa” jamoasi o‘z maydonida musobaqa peshqadami “Milan”ni qabul qildi. Uchrashuv kutilganidek mehmonlarning ustunligida boshlandi. Birinchi bo‘limda maydonda o‘rtacha temp hukm surdi.
Ikkinchi bo‘lim debyutida genuyaliklar hisobni ochishga muvaffaq bo‘ldi: qanotdan uzatilgan to‘pga Eldor Shomurodov zarba berdi, biroq Janluiji Donnarumma uni bartaraf etdi, qaytgan to‘pni Mattia Destro yaqin masofadan darvozaga joylab qo‘ydi.
Oradan ko‘p o‘tmay milanliklar javob to‘pini kiritdi: Davide Kalabriya uzoq masofadan super zarba yo‘llab, muvozanatni tikladi. 60-daqiqada Destro o‘zining va mezbonlarning ikkinchi golini urdi. So‘nggi daqiqalarda mehmonlar faollikni oshirdi, qator hujumlar 83-daqiqaga kelib o‘z samarasini berdi. Pyer Kalulu jarima maydonidagi palapartishlikdan unumli foydalandi. Qolgan vaqtda hisob o‘zgarmadi.
Mazkur bahsda o‘zbekistonlik hujumchi Eldor Shomurodov asosiy tarkibda maydonga tushib, 85-daqiqada zaxiraga olindi.
“Jenoa” ochkolarini 7 taga yetkazib oldi va 18-o‘ringa ko‘tarildi. “Milan” 28 ochko bilan peshqadamlikni saqlab turibdi.
Yana bir markaziy o‘yin “Inter” va “Napoli” jamoalari o‘rtasida kechdi. Uchrashuvda hisob 73-daqiqaga kelib ochildi: Romelu Lukaku penaltini aniq bajardi. Buning ustiga mehmonlar Lorenso Insenyening chetlatilishidan keyin qolgan vaqtni bir o‘yinchi kam bo‘lib o‘tkazdi. Shu tariqa birgina gol o‘yin taqdirini hal qildi.
“Inter” 27 ochko bilan peshqadamni ta’qib qilmoqda, “Napoli” (23) esa 4-o‘rinda qoldi.
A Seriya
12-tur bahslari
16-dekabr, chorshanba
“Jenoa” — “Milan” 2:2
Gollar: 1:0 – 47 Destro, 1:1 – 52 Kalabriya, 2:1 – 60 Destro, 2:2 – 83 Kalulu.“Jenoa”: Perin, Gilyone, Bani, Masyello, Pellegrini (Chiborra, 46), Sturaro (Behrami, 76), Lerager, Pyatsa (Melegoni, 69), Goldaniga, Destro (Skamakka, 76), Shomurodov (Radovanovich, 85).
“Milan”: Donnarumma, Kalulu, Kalabriya, Diogu Dalot, Romanyoli, Chalxono‘g‘lu, Tonali (Braim Dias, 77), Kastilyexo (Salemakers, 53), Kessie, Rebich (Heuge, 53), Rafael Leau.
Ogohlantirishlar: Pellegrini (18), Romanyoli (25), Kastilyexo (54), Rafael Leau (83), Radovanovich (87).
“Inter” — “Napoli” 1:0
Gol: 1:0 – 73, penalti Lukaku.“Inter”: Handanovich, Yang (D`Ambrozio, 86), de Vrey, Bastoni, Darmian, Brozovich (Sensi, 67), Barella, Galyardini, Shkrinyar, Martines (Hakimi, 77), Lukaku.
“Napoli”: Ospina, Manolas, Di Lorenso, Kulibali, Mariu Ruy (Gulyam, 84), Zelinski (Politano, 74), Demme (Elmaz, 84), Insinye, Bakayoko (Fabian Ruis, 74), Losano, Mertens (Petanya, 16).
Ogohlantirishlar: Brozovich (57), Bakayoko (59), Ospina (71), Losano (74), Lukaku (80), Shkrinyar (85), D`Ambrozio (88), Handanovich (90).
Chetlatish: Insinye (72).
“Parma” — “Kalyari” 0:0
“Spetsiya” — “Bolonya” 2:2
Gollar: 1:0 – 19 Nzola, 2:0 – 63 Nzola, 2:1 – 72 Dominges, 2:2 – 90 Barrou.“Verona” — “Sampdoriya” 1:2
Gollar: 0:1 – 41 Ekdal, 0:2 – 54 Verre, 1:2 – 70, penalti Zakkani.“Fiorentina” — “Sassuolo” 1:1
Gollar: 0:1 – 13 Traore, 1:1 – 35, penalti Vlaxovich.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)