Pyerluiji Kollina France Football talqiniga ko‘ra futbol tarixidagi eng yaxshi hakam deb topildi, deya xabar qilmoqda Football Italia.
Italiyalik mutaxassis 1988—2005-yillar mobaynida hakamlik qilgan. Xalqaro futbol tarixi va statistikasi federatsiyasi Kollinani qatorasiga olti yil (1998—2003-yillar) mobaynida yilning eng yaxshi hakami sifatida e’tirof etgandi.
Hozirda UEFA hakamlar qo‘mitasiga rahbarlik qiladigan Kollina faoliyati davomida A Seriyaning 240 ta uchrashuvini hamda 109 ta xalqaro doiradagi o‘yinni boshqarib borgan. Shuningdek, JCh—2002 finali ham italiyalik hakamga ishonib topshirilgandi.
Avvalroq France Football futbol tarixidagi eng yaxshi darvozabon, himoyachilar, yarim himoyachilar va hujumchilar ro‘yxatini e’lon qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)