Osiyo futbol konfederatsiyasi “Nasaf” futbol klubiga OFK Kubogida o‘ynashi mumkin bo‘lgan jamoalar ro‘yxatiga kiritdi. Bu haqda PFL direktori vazifasini bajaruvchi Diyor Imomxo‘jayev ma’lum qildi.
Biroq OFK qarshiliklar klubiga Osiyo Chempionlar Ligasida ishtirok etish huquqini bermagan. Avvalroq “Nasaf” OFK litsenziyalashidan o‘ta olmagani va bu orqali jamoaning OChLda ishtirok etolmasligi ma’lum bo‘lgandi.
Imomxo‘jayevning ta’kidlashicha, OFK tashkiloti “Nasaf”ga OFK Kubogida qatnashishga ruxsat bergan.
Shu tariqa Superligada ikkinchi qo‘lga kiritan “Nasaf” jamoasi O‘zbekiston Kubogi finali natijasidan qat’i nazar OChL saralashida ishtirok eta olmaydi.
“Paxtakor” chempionlikni qo‘lga kiritib, OChLga to‘g‘ridan to‘g‘ri yo‘l olgan bo‘lsa, OKMK OChL saralashida ishtirok etadi. Agar olmaliqliklar OChLga yo‘llanma ola bilsa, “Nasaf” OFK Kubogi guruh bosqichiga chiqadi. OKMK pley-off bahslarida muvaffaqiyatsizlikka uchrasa OFK Kubogiga yo‘l oladi va “Nasaf” xalqaro maydonda ishtirok eta olmaydi.
Shu tariqa “Paxtakor” va OKMK o‘rtasidagi O‘zbekiston Kubogi finali Osiyokuboklar yo‘llanmasiga hech qanday ta’sir o‘tkazmasligi oydinlashdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)