“Vest Bromvich” bosh murabbiyi Slaven Bilich iste’foga chiqarildi. Bu haqda klub matbuot xizmati ma’lum qildi.
Jamoaga Sem Ellardays yangi bosh murabbiy etib tayinlanadi. U bilan qisqa muddatlik shartnoma imzolangan. Angliyalik mutaxassis Premyer Liganing keyingi turidanoq jamoani boshqarib borishi kutilmoqda.
Ellardays 2018-yilning may oyida “Everton”dan ketganidan buyon ishsiz yurgandi.
Bilich qo‘l ostidagi jamoa 2019/20-yilgi mavsumda Chempionshipda ikkinchi o‘rinni qo‘lga kiritib, Premyer Ligaga yo‘l olgandi. “Vest Bromvich” ortda qolgan 13 turda 7 ochko to‘plab, musobaqa jadvalining 19-pog‘onasida bormoqda.
Jamoa APL 13-turida “Manchester Siti” bilan 1:1 hisobidagi durangga erishgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)