Футбол бўйича Италия А Сериясининг 12-туридан ўрин олган бир қатор учрашувлар 16 декабрь, чоршанба куни бўлиб ўтди.
«Женоа» жамоаси ўз майдонида мусобақа пешқадами «Милан»ни қабул қилди. Учрашув кутилганидек меҳмонларнинг устунлигида бошланди. Биринчи бўлимда майдонда ўртача темп ҳукм сурди.
Иккинчи бўлим дебютида генуяликлар ҳисобни очишга муваффақ бўлди: қанотдан узатилган тўпга Элдор Шомуродов зарба берди, бироқ Жанлуижи Доннарумма уни бартараф этди, қайтган тўпни Маттиа Дестро яқин масофадан дарвозага жойлаб қўйди.
Орадан кўп ўтмай миланликлар жавоб тўпини киритди: Давиде Калабрия узоқ масофадан супер зарба йўллаб, мувозанатни тиклади. 60-дақиқада Дестро ўзининг ва мезбонларнинг иккинчи голини урди. Сўнгги дақиқаларда меҳмонлар фаолликни оширди, қатор ҳужумлар 83-дақиқага келиб ўз самарасини берди. Пьер Калулу жарима майдонидаги палапартишликдан унумли фойдаланди. Қолган вақтда ҳисоб ўзгармади.
Мазкур баҳсда ўзбекистонлик ҳужумчи Элдор Шомуродов асосий таркибда майдонга тушиб, 85-дақиқада захирага олинди.
«Женоа» очколарини 7 тага етказиб олди ва 18-ўринга кўтарилди. «Милан» 28 очко билан пешқадамликни сақлаб турибди.
Яна бир марказий ўйин «Интер» ва «Наполи» жамоалари ўртасида кечди. Учрашувда ҳисоб 73-дақиқага келиб очилди: Ромелу Лукаку пенальтини аниқ бажарди. Бунинг устига меҳмонлар Лоренцо Инсененинг четлатилишидан кейин қолган вақтни бир ўйинчи кам бўлиб ўтказди. Шу тариқа биргина гол ўйин тақдирини ҳал қилди.
«Интер» 27 очко билан пешқадамни таъқиб қилмоқда, «Наполи» (23) эса 4-ўринда қолди.
А Серия
12-тур баҳслари
16 декабрь, чоршанба
«Женоа» — «Милан» 2:2
Голлар: 1:0 – 47 Дестро, 1:1 – 52 Калабрия, 2:1 – 60 Дестро, 2:2 – 83 Калулу.«Женоа»: Перин, Гильоне, Бани, Масьелло, Пеллегрини (Чиборра, 46), Стураро (Беҳрами, 76), Лерагер, Пьяца (Мелегони, 69), Гольданига, Дестро (Скамакка, 76), Шомуродов (Радованович, 85).
«Милан»: Доннарумма, Калулу, Калабрия, Диогу Далот, Романьоли, Чалхонўғлу, Тонали (Браим Диас, 77), Кастильехо (Салемакерс, 53), Кессиэ, Ребич (Ҳеуге, 53), Рафаэл Леау.
Огоҳлантиришлар: Пеллегрини (18), Романьоли (25), Кастильехо (54), Рафаэл Леау (83), Радованович (87).
«Интер» — «Наполи» 1:0
Гол: 1:0 – 73, пенальти Лукаку.«Интер»: Ҳанданович, Янг (Д`Амброзио, 86), де Врей, Бастони, Дармиан, Брозович (Сенси, 67), Барелла, Гальярдини, Шкриньяр, Мартинес (Ҳакими, 77), Лукаку.
«Наполи»: Оспина, Манолас, Ди Лоренцо, Кулибали, Мариу Руй (Гулям, 84), Зелиньски (Политано, 74), Демме (Элмаз, 84), Инсинье, Бакаёко (Фабиан Руис, 74), Лосано, Мертенс (Петанья, 16).
Огоҳлантиришлар: Брозович (57), Бакаёко (59), Оспина (71), Лосано (74), Лукаку (80), Шкриньяр (85), Д`Амброзио (88), Ҳанданович (90).
Четлатиш: Инсинье (72).
«Парма» — «Кальяри» 0:0
«Специя» — «Болонья» 2:2
Голлар: 1:0 – 19 Нзола, 2:0 – 63 Нзола, 2:1 – 72 Домингес, 2:2 – 90 Барроу.«Верона» — «Сампдория» 1:2
Голлар: 0:1 – 41 Экдал, 0:2 – 54 Верре, 1:2 – 70, пенальти Заккани.«Фиорентина» — «Сассуоло» 1:1
Голлар: 0:1 – 13 Траоре, 1:1 – 35, пенальти Влахович.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)