O‘zbekistonda 2020-yilning o‘tgan 10 oy davomida firibgarlik yo‘li bilan 33 mingdan oshiq fuqarodan 179,7 milliard so‘m va 11,8 million AQSh dollari qo‘lga kiritilgani aniqlangan. Bu haqda AOKA huzuridagi brifingda Ichki ishlar vaziri o‘rinbosari, polkovnik Rustam Xatamov ma’lum qildi.
“IIV Korrupsiya va iqtisodiy jinoyatchilikka qarshi kurash boshqarmasi tashabbusi bilan aholi orasida eng ko‘p shov-shuvga sabab bo‘lgan ishga jo‘natish yoki avtotransport vositasini olib berishga va’da berib 33 mingdan oshiq fuqarodan 179,7 milliard so‘m va 11,8 million AQSh dollari firibgarlik bilan qo‘lga kiritilgan holat bo‘yicha 66 nafar shaxsga 24 ta jinoyat ishi ochilgan”, – deydi Rustam Xatamov.
Avvalroq Yangiyo‘l tumanida o‘z mahallasi yerini sotmoqchi bo‘lgan mahalla raisi, Toshkentda soxta tilla taqinchoqlarni 29 mln 300 ming so‘mga sotgan ayollar qo‘lga olingani hamda Toshkentda Polshadan avtomobil shinalari olib kelishni va’da qilib, fuqaroni 40 ming dollarga “uxlatgan” shaxsga jinoyat ishi qo‘zg‘atilgani haqida xabar berilgandi.
Izoh (0)