Ўзбекистонда 2020 йилнинг ўтган 10 ой давомида фирибгарлик йўли билан 33 мингдан ошиқ фуқародан 179,7 миллиард сўм ва 11,8 миллион АҚШ доллари қўлга киритилгани аниқланган. Бу ҳақда АОКА ҳузуридаги брифингда Ички ишлар вазири ўринбосари, полковник Рустам Хатамов маълум қилди.
«ИИВ Коррупция ва иқтисодий жиноятчиликка қарши кураш бошқармаси ташаббуси билан аҳоли орасида энг кўп шов-шувга сабаб бўлган ишга жўнатиш ёки автотранспорт воситасини олиб беришга ваъда бериб 33 мингдан ошиқ фуқародан 179,7 миллиард сўм ва 11,8 миллион АҚШ доллари фирибгарлик билан қўлга киритилган ҳолат бўйича 66 нафар шахсга 24 та жиноят иши очилган», – дейди Рустам Хатамов.
Аввалроқ Янгийўл туманида ўз маҳалласи ерини сотмоқчи бўлган маҳалла раиси, Тошкентда сохта тилла тақинчоқларни 29 млн 300 минг сўмга сотган аёллар қўлга олингани ҳамда Тошкентда Польшадан автомобиль шиналари олиб келишни ваъда қилиб, фуқарони 40 минг долларга «ухлатган» шахсга жиноят иши қўзғатилгани ҳақида хабар берилганди.
Изоҳ (0)