Braziliya prezidenti Jair Bolsonaru COVID-19’ga qarshi emlanmasligini ma’lum qildi. Bu haqda u Band telekanaliga bergan intervyusida aytib o‘tdi, deb yozadi “Gazeta.ru”.
Prezident vaksinani faqat emlanishni istaganlar olishi kerak, deb hisoblaydi.
“Men emlanmayman, tamom. Hayotim xavf ostidami? Bu mening muammom”, – dedi Bolsonaru.
65 yoshli Bolsonaru bir necha bor COVID-19 pandemiyasining haqiqati to‘g‘risida shubhada ekanini ma’lum qilgan. Ba’zi joylarda ijtimoiy masofa qoidasini buzgan. Yozda u koronavirus bilan kasallandi va davolanib chiqdi.
Shuningdek, u koronavirusdan himoya qilish vositasi sifatida niqob kiyish samarasiz, deb hisoblagan. Keyinchalik sud Braziliya prezidentiga niqob kiyishni buyurdi. Unga ko‘ra, Bolsonaru ommaviy tadbirlarda qatnashayotganda himoya vositalarini kiyishi kerak.
Ma’lumot uchun, Braziliya koronavirus bilan kasallanganlar soni (6 970 034) bo‘yicha AQSh (16 725 039) va Hindistondan (9 932 547) keyin uchinchi o‘rinda turadi.
Avvalroq Braziliya “jiddiy hodisa” sababli Xitoyda yaratilgan koronavirusga qarshi vaksina sinovini to‘xtatgani haqida xabar berilgandi.
Izoh (0)