Bugun,

  • USD 11095.31
  • RUB 173.84
  • EUR 10772.44

Braziliyaning sog‘liqni saqlash bo‘yicha nazorat agentligi Anvisa Xitoyning Sinovac kompaniyasi tomonidan yaratilgan koronavirusga qarshi vaksina Coronavac’ning sinovlarini “jiddiy hodisa” sababli vaqtincha to‘xtatdi. Bu haqda “RIA Novosti” xabar berdi.

Foto: “RIA Novosti”

Foto: “RIA Novosti”

Anvisa agentligi sinov ishtirokchilarining birida vaksinaning salbiy ta’siri kuzatilgani haqidagi ma’lumotni 29-oktabr kuni olgan, hodisaning tafsilotlari ma’lum qilinmagan.

“Jiddiy hodisa” sifatida bemorning o‘limi yoki o‘lim xavfi, nogironligi, kasalxonaga yotqizilishi, infeksiyaning tibbiy qurilma orqali yuqishi yoki klinik ahamiyatga ega hodisa qaraladi.

Coronavac vaksinasi Braziliyada klinik tadqiqotlarning uchinchi bosqichidan o‘tkazilmoqda va unda ming kishi qatnashmoqda. Vaksinani qabul qilgan ko‘ngillilar tadqiqotchilar nazorati ostida qoladi.

Avvalroq Buyuk Britaniyaning AstraZeneca va AQShning Johnson&Johnson kompaniyalari tomonidan yaratilgan koronavirusga qarshi vaksinalarning klinik sinovlari to‘xtatilgandi.

Eslatib o‘tamiz, avvalroq Braziliya Sog‘liqni saqlash vazirligi Xitoyning Sinovac Biotech kompaniyasidan Coronavac vaksinasining 46 millionta dozasi xarid qilinishini ma’lum qilgan, vaksinani yetkazib berish 2021-yilning yanvar oyida boshlanishi kerak edi. Keyinroq Braziliya prezidenti Jair Bolsonaru mamlakat Sog‘liqni saqlash vazirligi tomonidan imzolangan Xitoyda yaratilgan COVID-19’ga qarshi vaksinani sotib olish haqidagi shartnomani bekor qilgani haqida xabar berilgandi.

Oktabr oyida O‘zbekiston Innovatsion rivojlanish vazirligi Xitoyning Anhui Zhifei Longcom Biopharmaceutical kompaniyasi bilan O‘zbekistonda koronavirusga qarshi vaksina sinovining uchinchi bosqichini o‘tkazish haqida kelishuvga erishdi. Sinov 5000 nafar ko‘ngillida o‘tkaziladi. Avvalroq Xitoy vaksinasi Toshkentga olib kelingani ma’lum bo‘ldi.

Innovatsion rivojlanish vaziri Ibrohim Abdurahmonovning xabar berishicha, koronavirusga qarshi vaksinani sinovdan o‘tkazish uchun nafaqat Xitoydan, balki Rossiya, Yevropa va AQShdan olib kelish rejalashtirilmoqda.

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
Turkiyaning Kizilelma qiruvchi droni ilk parvozni amalga oshirdi (video)
Dunyo
Xitoy Rossiyaga harbiy yordam ko‘rsatdimi?