O‘zbekistonda talabalar 28-dekabrdan qishki ta’tilga chiqadi. Bu haqda Oliy va o‘rta maxsus ta’lim vazirligi matbuot xizmati xabar berdi.
“Oliy ta'lim muassasalari talabalari, akademik litsey va kasb-hunar maktablari o‘quvchilari uchun 2020-yil 28-dekabrdan 2021-yil 10-yanvargacha qishki ta’til etib belgilandi”, — deyiladi vazirlik xabarida.
Ta’til tugagach, 11-yanvar o‘qishning birinchi kuni bo‘ladi.
Avvalroq O‘zbekiston maktablarida uchta ta’til o‘rniga uzaytirilgan qishki ta’til joriy etilishi mumkinligi xabar berilgandi. Biroq, Xalq ta’limi vazirligi matbuot xizmati bunga munosabat bildirib, umumta’lim maktablarida qishki ta’til boshlang‘ich sinflar uchun 25-dekabr, yuqori sinflar uchun 26-dekabrdan boshlanishini ma’lum qilgan.
Izoh (0)