Ўзбекистонда талабалар 28 декабрдан қишки таътилга чиқади. Бу ҳақда Олий ва ўрта махсус таълим вазирлиги матбуот хизмати хабар берди.
«Олий таълим муассасалари талабалари, академик лицей ва касб-ҳунар мактаблари ўқувчилари учун 2020 йил 28 декабрдан 2021 йил 10 январгача қишки таътил этиб белгиланди», — дейилади вазирлик хабарида.
Таътил тугагач, 11 январь ўқишнинг биринчи куни бўлади.
Аввалроқ Ўзбекистон мактабларида учта таътил ўрнига узайтирилган қишки таътил жорий этилиши мумкинлиги хабар берилганди. Бироқ, Халқ таълими вазирлиги матбуот хизмати бунга муносабат билдириб, умумтаълим мактабларида қишки таътил бошланғич синфлар учун 25 декабрь, юқори синфлар учун 26 декабрдан бошланишини маълум қилган.
Изоҳ (0)