Futbol bo‘yicha Superliga o‘yinlariga yo‘llanma beruvchi o‘tish bahsida “Neftchi” va “Andijon” jamoalari 15-dekabr, seshanba kuni o‘zaro bahs yuritdi.
Avvaliga mezbonlar Otabek Zokirovning goli evaziga oldinga o‘tib oldi, 31-daqiqada Doniyor Abdumannonov muvozanatni tikladi. Oradan ikki daqiqa o‘tib, Farhod Sohibjonov mehmonlarni oldinga olib chiqdi.
Ikkinchi bo‘lim oxirlab borayotgan bir vaqtda Jamshid Hamidov andijonliklarning uchinchi golini urib, yakuniy hisobni o‘rnatdi — 1:3.
Shu tariqa “Andijon” mazkur g‘alaba evaziga Superliganing 2021-yilgi mavsumida ishtirok etadigan bo‘ldi.
Eslatib o‘tamiz, “Andijon” Superliga 2020-yilgi mavsumida 13-o‘rinni qo‘lga kiritgan, “Neftchi” esa Pro-Ligada ikkinchi bo‘lgandi.
Superliga o‘tish o‘yini
15-dekabr, seshanba
“Neftchi” — “Andijon” 1:3
Gollar: 1:0 – 8 Zokirov, 1:1 – 31 Abdumannopov, 1:2 – 33 Sohibjonov, 1:3 – 89 Hamidov.“Neftchi”: Farruh Turdaliyev, Mirjalol Ne’matov, Mansurjon Saidov, Otabek Zokirov, Islomjon Toshpo‘latov, Javohir Rasulov, Dilyorbek Irmatov, Rustamjon Abduxamidov (Pavel Smolyachenko), Umar Adxamzoda, Shodiyor Hojimatov, Anvarjon Hojimirzayev.
“Andijon”: Eldor Adhamov, Azamat Isroilov, Farhod Mirahmatov, Xushnudbek Avilov, Baxtiyorjon Qosimov, Farhod Bekmurodov, Abdullo Olimov, Usmonali Ismonaliyev, Qahramon Bahodirov, Farhod Sohibjonov, Doniyor Abdumannopov.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)