“Yuventus” hujumchisi Krishtianu Ronaldu yakkakurash sport turlarini tomosha qilishni yoqtirishini aytdi.
“Futbol o‘ynash — mening ehtirosim, biroq televizor orqali boshqa sport turlarini tomosha qilishni yoqtiraman. Tanlov qilishga to‘g‘ri kelsa, futbol o‘yinidan ko‘ra boks yoki UFC janglarini tomosha qilishni tanlayman”, — deydi Ronaldu.
Krishtianu 2018-yildan buyon “Yuventus”da to‘p surib keladi. Uning turinliklar bilan amaldagi shartnomasi 2022-yilga qadar mo‘ljallangan.
2020/21-yilgi mavsumda futbolchi Italiya chempionatida 7 ta o‘yin o‘tkazib, 10 gol va bitta golli uzatma muallifiga aylandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)