Moskvaning “Spartak” klubi sobiq futbolchisi Sergey Yuran jamoa sobiq bosh direktori Shamil Gazizovning ishini muhokama qilar ekan, Oston O‘runovning yoshi ko‘rsatilganidan katta ekanini aytdi.
— “Ufa”dan futbolchi olib keladi, bir qaraganda yosh, biroq u aslida 4-5 yoshga katta ekanini hamma biladi.
— O‘runov pasportda ko‘rsatilgan yoshidan kattami?
— Bunaqasi O‘zbekistonda... Eshitayotganlarim, ochiq-oydin ko‘rinib turibdi, bu hech kimga sir emas, — deydi Yuran “Match TV” efirida.
«Урунов вроде молодой, а он на 4-5 лет старше» 😱😱😱
— Матч ТВ (@MatchTV) December 14, 2020
Юран выкатил информационную бомбу в студии МАТЧ ПРЕМЬЕР 💣 pic.twitter.com/jTgSjM7WnO
Ma’lumot uchun, O‘runov 2000-yilning 19-dekabrida tug‘ilgan. Oston “Paxtakor” tarbiyalanuvchisi hisoblanadi. U “Navbahor” va “Lokomotiv” klublaridan ham to‘p surgan. O‘runov professional futboldagi debyutini 2017-yilning sentabrida “Navbahor” safida nishonlagandi. O‘sha vaqtda futbolchi 16 yosh edi.
O‘runov Rossiya chempionati 2020/21-yilgi mavsumida 8 ta o‘yinda maydonga tushdi (bir marta asosiy tarkibda) va birorta ham samarali harakat amalga oshira olmadi.
Izoh (0)