Mutlaq yengil vazn toifasida UFC chempioni Deyvison Figeredo (20-1-1) UFC 256 musobaqasining asosiy jangida Brendon Morenoga (18-5-2) qarshi bahs olib bordi.
Chempionlik kamari uchun kechgan bahsda durang qayd etildi va kamar Figeredoda qoladigan bo‘ldi.
Braziliyalik yakkakurashchi 22-noyabrda bo‘lib o‘tgan UFC 255 musobaqasida Aleks Peresni mag‘lub etib, chempionlikni himoya qilgandi. Oradan 22 kun o‘tib Figeredo titulni yana muvaffaqiyatli himoya qila oldi. Shu tariqa Deyvison eng qisqa vaqt ichida chempionlikni ikki marta himoya qilish borasida rekord qayd etdi.
Shuningdek, UFC tarixida to‘rtinchi marta chempionlik jangida durang qayd etildi. Ularning so‘nggi ikkitasida revansh belgilangandi.
Izoh (0)