Футбол бўйича Суперлига ўйинларига йўлланма берувчи ўтиш баҳсида «Нефтчи» ва «Андижон» жамоалари 15 декабрь, сешанба куни ўзаро баҳс юритди.
Аввалига мезбонлар Отабек Зокировнинг голи эвазига олдинга ўтиб олди, 31-дақиқада Дониёр Абдуманнонов мувозанатни тиклади. Орадан икки дақиқа ўтиб, Фарҳод Соҳибжонов меҳмонларни олдинга олиб чиқди.
Иккинчи бўлим охирлаб бораётган бир вақтда Жамшид Ҳамидов андижонликларнинг учинчи голини уриб, якуний ҳисобни ўрнатди — 1:3.
Шу тариқа «Андижон» мазкур ғалаба эвазига Суперлиганинг 2021 йилги мавсумида иштирок этадиган бўлди.
Эслатиб ўтамиз, «Андижон» Суперлига 2020 йилги мавсумида 13-ўринни қўлга киритган, «Нефтчи» эса Про-Лигада иккинчи бўлганди.
Суперлига ўтиш ўйини
15 декабрь, сешанба
«Нефтчи» — «Андижон» 1:3
Голлар: 1:0 – 8 Зокиров, 1:1 – 31 Абдуманнопов, 1:2 – 33 Соҳибжонов, 1:3 – 89 Ҳамидов.«Нефтчи»: Фарруҳ Турдалиев, Миржалол Неъматов, Мансуржон Саидов, Отабек Зокиров, Исломжон Тошпўлатов, Жавоҳир Расулов, Дилёрбек Ирматов, Рустамжон Абдухамидов (Павел Смоляченко), Умар Адхамзода, Шодиёр Ҳожиматов, Анваржон Ҳожимирзаев.
«Андижон»: Элдор Адҳамов, Азамат Исроилов, Фарҳод Мираҳматов, Хушнудбек Авилов, Бахтиёржон Қосимов, Фарҳод Бекмуродов, Абдулло Олимов, Усмонали Исмоналиев, Қаҳрамон Баҳодиров, Фарҳод Соҳибжонов, Дониёр Абдуманнопов.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)