AQShning Yel universiteti olimlari koronavirusga chalingan bemorlarda COVID-19’ga emas, organlarga, to‘qimalarga va immun tizimiga qarshi qaratilgan antitanalarni aniqladi, deb yozadi “Kommersant”. Organizmda qanchalik ko‘p autoagressiv antitanalar aniqlansa, kasallik shunchalik og‘ir kechgan.
Oddiy antitanalar oqsillarning yuzasiga yopishib olib, viruslarni bloklaydi. Autoantitanalar esa noto‘g‘ri shaklda bo‘lib, ular oqsillar bilan odam hujayralarida birikadi. Ba’zi bemorlarda autoantitanalar koronavirusga chalinishdan oldinroq aniqlangan, boshqalarida ular kasallikdan keyin paydo bo‘lgan.
Olimlar qayd etishicha, virusli infeksiyalarning autoimmun reaksiyalar chaqirish xususiyati kam o‘rganilgan. Shu bilan birga, revmatoid artrit, volchanka (teri silining bir turi) va parishonxotir skleroz immun tizimining organizmga hujumi oqibatida kelib chiqishi ma’lum.
Tadqiqotchilar fikricha, autoantitanalar kasallik oqibatlariga salbiy ta’sir o‘tkazishi va salomatlik bilan bog‘liq uzoq muddatli muammolarga olib kelishi mumkin. Ular sog‘aygandan keyin organizmda uzoq vaqt saqlanib qolishga qodir.
Avvalroq hech qachon SARS-CoV-2 virusi bilan kontaktda bo‘lmagan odamlarning qonida ham koronaviruslarga turdosh bo‘lgan va unga qarshi tura oluvchi antitanalar mavjudligi aniqlangan edi.
Mavzuga doir:
- Koronavirus antitanalari: Qachon shakllanadi va qanchagacha himoya qila oladi?
- Singapurda SARS-CoV-2 koronavirusiga qarshi antitanaga ega chaqaloq tug‘ildi
- SARS-CoV-2 antitanasi koronavirusga chalinmagan odamlarda ham topildi. Olimlar hozircha buning sirini aniqlay olmayapti
- Koronavirusga qayta chalinish holatlari haqidagi yangiliklar haqiqatmi? Shunday bo‘lishi mumkinmi? Vaksina bundan qutqaradimi?
- Amerikalik olimlar koronavirusga qarshi antitanalarning saqlanish muddatini aniqladi
Izoh (0)