Yevropa Chempionlar Ligasining 6-tur yakunlari bo‘yicha haftaning eng chiroyli goliga da’vogarlar ro‘yxati ma’lum bo‘ldi.
PSJ hujumchisi Neymar, “Yuventus” yarim himoyachisi Ueston Makkenni, “Leypsig” himoyachisi Anxelinyo va “Sevilya” himoyachisi Jyul Kundening gollari eng chiroyli gol nomiga da’vogarlik qilmoqda.
Neymarning “Istanbul Bashakshehir”ga qarshi o‘yinda (5:1) hisobni ochgan bo‘lsa, Makkenni “Barselona”ga qarshi bahsda (3:0) gol urishga erishdi, Anxelinyo “Manchester Yunayted” (3:2) darvozasini ishg‘ol qildi, Kunde esa “Renn” bilan o‘yinda (3:1) birinchi golni urdi.
UEFA rasmiy saytida ovoz berish jarayoni davom etmoqda. G‘olib nomi 11-dekabr kuni aniqlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)