Европа Чемпионлар Лигасининг 6-тур якунлари бўйича ҳафтанинг энг чиройли голига даъвогарлар рўйхати маълум бўлди.
ПСЖ ҳужумчиси Неймар, «Ювентус» ярим ҳимоячиси Уэстон Маккенни, «Лейпциг» ҳимоячиси Анхелинё ва «Севилья» ҳимоячиси Жюл Кунденинг голлари энг чиройли гол номига даъвогарлик қилмоқда.
Неймарнинг «Истанбул Башакшеҳир»га қарши ўйинда (5:1) ҳисобни очган бўлса, Маккенни «Барселона»га қарши баҳсда (3:0) гол уришга эришди, Анхелинё «Манчестер Юнайтед» (3:2) дарвозасини ишғол қилди, Кунде эса «Ренн» билан ўйинда (3:1) биринчи голни урди.
УЕФА расмий сайтида овоз бериш жараёни давом этмоқда. Ғолиб номи 11 декабрь куни аниқланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)