Italiya terma jamoasi sobiq hujumchisi Paolo Rossi 64 yoshida vafot etdi, deya xabar qilmoqda Football Italia.
Uning o‘limiga nima sabab bo‘lgani noma’lum.
Rossi JCh—1982 da 6 ta gol urgan holda musobaqaning eng yaxshi to‘purari bo‘lgandi. Italiya chempionlikni qo‘lga kiritgan o‘sha turnirda Rossi Braziliya terma jamoasiga qarshi bahsda (3:2) het-trik muallifiga aylangandi.
Rossi 1982-yilda “Oltin to‘p”ga loyiq ko‘rilgan.
U Italiya terma jamoasi safida jami 48 ta o‘yin o‘tkazib, 20 ta golga muallif bo‘lgan.
Rossi klub tizimida “Yuventus”, “Milan”, “Komo”, “Vinchensa”, “Verona” va “Peruja” kabi jamoalarda to‘p tepgan. U turinliklar safida ikki bor A Seriya g‘olibiga aylangan, shuningdek, Yevropa Chempionlar Kubogi, Kuboklar Kubogi, UEFA Superkubogiga ega chiqqan.
So‘nggi yillarda Rossi RAI telekanalida ekspert sifatida ishlayotgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)