“Real” Yevropa Chempionlar Ligasi guruh bosqichi doirasida 9-dekabr kuni “Borussiya M”ga qarshi bahs olib bordi (2:0).
Bu madridliklar hujumchisi Karim Benzema uchun “Real” safida barcha musobaqalar doirasidagi 527-o‘yin bo‘ldi.
Benzema legioner futbolchilar orasida “Real”da eng ko‘p o‘yin o‘tkazgan Roberto Karlosning (527) rekordini takrorladi.
Benzema 2009-yildan buyon “Real” libosini himoya qilib keladi.
Shuningdek, Benzema Chempionlar Ligasi guruh bosqichidagi gollari sonini 50 taga yetkazib oldi. Ushbu natijaga faqat Lionel Messi (71), Krishtianu Ronaldu (67), Raul (53) va Rud van Nistelroy (50) kabi futbolchilar erishgan.
32 yoshli forvard 2020/21-yilgi mavsumda 8 ta gol urdi va uchta golli uzatma amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)