“Liverpul” Yevropa Chempionlar Ligasi 6-turi doirasida 9-dekabr kuni “Midtyulland” bilan bahs yuritdi (1:1).
Uchrashuvning 55-soniyasida “qizillar” hujumchisi Muhammad Saloh jamoasining uchrashuvdagi yagona goliga muallif bo‘ldi. Bu “Liverpul”ning Chempionlar Ligasi tarixidagi eng tezkor goli bo‘ldi.
Shuningdek, bu Saloh uchun “Liverpul” safida Chempionlar Ligasidagi 22-gol bo‘ldi. Misrlik futbolchi “Liverpul” sobiq yarim himoyachisi Stiven Jerrardni (21 ta gol) ortda qoldirgan holda klubning Chempionlar Ligasidagi eng yaxshi to‘purariga aylandi.
2020/21-yilgi mavsumda Saloh Premyer Ligada 10 ta o‘yin o‘tkazib, 9 ta gol urishga muvaffaq bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)