“Manchester Yunayted”dan “Ayaks”gacha: Chempionlar Ligasidan Yevropa Ligasiga ravona bo‘lgan jamoalar

Futbol bo‘yicha Yevropa Chempionlar Ligasining guruh bosqichidagi so‘nggi o‘yinlar 9-dekabr, chorshanba kuni o‘tkazildi.

Shundan keyin barcha guruhlardagi holat ayon bo‘ldi. Chempionlar Ligasining 1/8 finaliga yo‘l olgan jamoalardan tashqari, guruhda 3-o‘rinni qo‘lga kiritib, Yevropa Ligasiga ravona bo‘lgan klublar ham ma’lum bo‘ldi.

Yevropa Ligasiga tushib ketgan jamoalar:

“Ayaks” (Niderlandiya), “Bryugge” (Belgiya), “Manchester Yunayted” (Angliya), “Olimpiakos” (Gretsiya), “Dinamo Kiyev” (Ukraina), “Krasnodar” (Rossiya), “Zalsburg” (Avstriya), “Shaxtyor” (Ukraina).

10-dekabr, payshanba kuni Yevropa Ligasida so‘nggi tur o‘yinlari o‘tkaziladi va pley-off bosqichiga chiqqan barcha jamoa nomi ma’lum bo‘ladi.