«Реал» Европа Чемпионлар Лигаси гуруҳ босқичи доирасида 9 декабрь куни «Боруссия М»га қарши баҳс олиб борди (2:0).
Бу мадридликлар ҳужумчиси Карим Бензема учун «Реал» сафида барча мусобақалар доирасидаги 527-ўйин бўлди.
Бензема легионер футболчилар орасида «Реал»да энг кўп ўйин ўтказган Роберто Карлоснинг (527) рекордини такрорлади.
Бензема 2009 йилдан буён «Реал» либосини ҳимоя қилиб келади.
Шунингдек, Бензема Чемпионлар Лигаси гуруҳ босқичидаги голлари сонини 50 тага етказиб олди. Ушбу натижага фақат Лионель Месси (71), Криштиану Роналду (67), Рауль (53) ва Руд ван Нистелрой (50) каби футболчилар эришган.
32 ёшли форвард 2020/21 йилги мавсумда 8 та гол урди ва учта голли узатма амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)