Futbol bo‘yicha Yevropa Chempionlar Ligasining A va C guruhlarida 6-turdan o‘rin olgan bahslar 9-dekabr, chorshanba kuni bo‘lib o‘tdi.
A guruhida birinchi o‘rinni muddatidan avval hal qilib qo‘ygan “Bavariya” o‘z maydonida “Lokomotiv”ni qabul qildi. Uchrashuvda hisob 63-daqiqaga kelib ochildi, Nikolas Zyule myunxenliklarning dastlabki goliga muallif bo‘ldi. 80-daqiqada Erik Shupo-Moting hisobni 2:0 ko‘rinishiga keltirib qo‘ydi.
Guruhdagi keyingi o‘yin ikkinchi o‘rin uchun kechdi. Unda “Atletiko” jamoasi “Zalsburg” maydonida mehmon bo‘ldi. Uchrashuvning 39-daqiqada Mario Ermoso madridliklarni oldinga olib chiqdi. 86-daqiqada esa Yannik Ferreyra Karrasko mehmonlarning ikkinchi golini urdi.
Shu tariqa “Bavariya” 16 ochko bilan guruhni 1-o‘rinda yakunladi. “Atletiko” 9 ochko bilan ikkinchi bo‘ldi. “Zalsburg” (4) esa yurishini Yevropa Ligasida davom ettiradi.
“Manchester Siti” o‘z maydonida “Marsel”ni yirik hisobda taslim etdi. Ferran Torres, Serxio Aguero va Rahim Sterlingning gollari “shaharliklar”ga g‘alaba taqdim etdi. “Portu” esa safarda “Olimpiakos”ni dog‘da qoldirdi.
Ushbu natijalardan keyin yunon klubi Yevropa Ligasi yo‘llanmasiga ega chiqdi.
YChL
6-tur bahslari
9-dekabr, chorshanba
A guruhi
“Bavariya” Germaniya — “Lokomotiv” Rossiya 2:0
Gollar: 1:0 – 63 Zyule, 2:0 – 80 Shupo-Moting.“Bavariya”: Noyer, Zyule, Devis (Lyuka Ernandes, 69), Boateng (Richards, 69), Sarr, Sane (Shtiller, 85), Roka, Myuller (Gnabri, 46), Duglas Kosta, Shupo-Moting, Goretska (Musiala, 61).
“Lokomotiv”: Gilyerme, Magkeyev, Raykovich, Chorluka, Ignatev, Kamano (Iosifov, 76), Miranchuk, Jivoglyadov, Ribchinskiy (Silyanov, 88), Ribus, Eder.
Ogohlantirishlar: Jivoglyadov (60), Boateng (64), Sane (68).
“Zalsburg” Avstriya – “Atletiko” Ispaniya 0:2
Gollar: 0:1 – 39 Ermoso, 0:2 – 86 Karrasko.C guruhi
“Manchester Siti” Angliya — “Marsel” Fransiya 3:0
Gollar: 1:0 – 48 Ferran Torres, 2:0 – 77 Aguero, 3:0 – 90 Sterling.“Manchester Siti”: Steffen, Erik Garsiya (Stounz, 28), Uoker, Lyaport, Ake, Fernandinyo, Gundo‘g‘an (Sterling, 46), Mahrez (Aguero, 67), Foden, Ferran Torres, Bernardu Silva.
“Marsel”: Mandanda, Alvaro Gonsales, Nagatomo, Balerdi, Kamara (Ronje, 67), Payet (Kyuizans, 67), Guye (Strotman, 75), Toven (Ake, 75), Sanson, Sakai, Jermen (Benedetto, 75).
Ogohlantirishlar: Guye (39).
“Olimpiakos” Gretsiya — “Portu” Portugaliya 0:2
Gollar: 0:1 – 10, penalti Otavio, 0:2 – 77 Uribe.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)