Италиялик афсонавий футболчи Паоло Росси 64 ёшида вафот этди

Италия терма жамоаси собиқ ҳужумчиси Паоло Росси 64 ёшида вафот этди, дея хабар қилмоқда Football Italia.

Унинг ўлимига нима сабаб бўлгани номаълум.

Росси ЖЧ—1982 да 6 та гол урган ҳолда мусобақанинг энг яхши тўпурари бўлганди. Италия чемпионликни қўлга киритган ўша турнирда Росси Бразилия терма жамоасига қарши баҳсда (3:2) ҳет-трик муаллифига айланганди.

Росси 1982 йилда «Олтин тўп»га лойиқ кўрилган.

У Италия терма жамоаси сафида жами 48 та ўйин ўтказиб, 20 та голга муаллиф бўлган.

Росси клуб тизимида «Ювентус», «Милан», «Комо», «Винченца», «Верона» ва «Перужа» каби жамоаларда тўп тепган. У туринликлар сафида икки бор А Серия ғолибига айланган, шунингдек, Европа Чемпионлар Кубоги, Кубоклар Кубоги, УЕФА Суперкубогига эга чиққан.

Сўнгги йилларда Росси RAI телеканалида эксперт сифатида ишлаётганди.