Futbol bo‘yicha Yevropa Chempionlar Ligasining B guruhida 9-dekabr, chorshanba kuni 6-tur o‘yinlari o‘tkazildi.
“Real” o‘z maydonida guruh peshqadami “Borussiya M”ni qabul qildi. Uchrashuv madridliklarning katta ustunligi ostida boshlandi. 9-daqiqada Karim Benzema Lukas Vaskesning qanotdan uzatgan to‘pini boshi bilan darvozaga joylab qo‘ydi. 32-daqiqada Benzema xuddi shu usulda ikkinchi golni urdi.
Tanaffusga qadar jamoalarda yana bir qator imkoniyatlar bo‘ldi, biroq hisob boshqa o‘zgarmadi. Ikkinchi bo‘lim ham madridliklarning to‘liq nazorati ostida o‘tdi. “Real” futbolchilari bir nechta golli vaziyatlarni ko‘kka sovurdi.
Guruhning ikkinchi o‘yini “Inter” va “Shaxtyor” jamoalar o‘rtasida kechdi. Milandagi o‘yin nursiz durang bilan yakunlandi.
Shu tariqa “Real” 10 ochko bilan guruhda birinchi o‘rinni egalladi. “Borussiya M” va “Shaxtyor” 8 ochko to‘pladi. O‘zaro o‘yinlardagi ustunlik sabab nemislar keyingi bosqichga yo‘l oldi.
YChL
6-tur bahslari
9-dekabr, chorshanba
“Real Madrid” Ispaniya — “Borussiya M” Germaniya 2:0
Gollar: 1:0 – 9 Benzema, 2:0 – 31 Benzema.“Real Madrid”: Kurtua, Ramos, Mendi, Varan, Vaskes, Kazemiro, Kroos, Vinisius Junior (Asensio, 74), Modrich, Rodrigo (Arribas, 74), Benzema.
“Borussiya M”: Zommer, Elvedi, Layner, Ginter, Vendt (Lazaro, 46), Noyxaus, Kramer (Benesh, 85), Shtindl (Volf, 85), Embolo (Zakariya, 46), Plea, Tyuram (Herrmann, 85).
Ogohlantirishlar: Zakariya (88).
“Inter” Italiya — “Shaxtyor” Ukraina 0:0
“Inter”: Handanovich, Yang (Perishich, 68), Bastoni (D`Ambrozio, 85), Shkrinyar, Hakimi (Darmian, 85), Barella, Galyardini (Sanches, 75), Brozovich, de Vrey, Martines (Eriksen, 85), Lukaku.“Shaxtyor”: Trubin, Vitao (Xocholava, 36), Matviyenko, Dodo, Bondar, Tete (Solomon, 65), Kovalenko, Marlos (Alan Patrik, 64), Stepanenko, Tayson (Dentino, 86), Maykon.
Ogohlantirishlar: Vitao (29), Galyardini (29), Hakimi (39), Brozovich (61), Trubin (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)