Ferbanks shahri Alyaska markazida joylashgan bo‘lib, shimol yog‘dusini kuzatish va uni suratga olish mumkin bo‘lgan eng yaxshi joy hisoblanadi. Neyt Lyubbe ismli suratkash shahardan turib chiroyli yog‘duni kuzatishni shunchaki zerikarli deb hisoblab, bu kabi tabiat hodisasini kosmosdan turib suratga olishga qaror qilgan, deb xabar beradi Hi-Tech.Mail.ru.
Noyob suratlarni olish uchun stratosferaga meteozond, ya’ni oldindan kamera qotirilgan sharsimon qurilmani uchirishga qaror qilingan. Suratkash tomonidan olingan suratlarni turistlar samolyotdan turib oladigan kadrlarga qiyoslab bo‘lmaydi. Chunki zond katta balandlikka ko‘tarila olgan — u tabiat hodisasini Yerdan 37 kilometr balandlikdan turib “kuzatgan”.
Shar umumiy hisobda ikki soatga yaqin uchgan. Oxir-oqibat shar portlagan va kamera yerga tushgan — unga hech qanday shikast yetmagan. Ma’lum bo‘lishicha, Sony modellaridan biri maxsus himoya g‘ilofiga solib uchirilgan. U parvozning ertasi kuni topilgan.
Mavzuga doir:
Izoh (0)